سەگیگ خاوەن خوەی وە گولە کوشێد
2023-01-25T08:33:25+00:00
شەفەق نیوز/ سەگیگ وە گولە راوچییگ ئەمریکی کوشت، هەنای لەناو ماشین بیکاب بویە، و سەگەگە ژوور پای چیەسە بان تفەنگ راوەگە و گولە لەلی دەرچگە.
لەناوڕاس ئەمریکا، وەگورەی قسەی دەسەڵاتەیل ئەمنی لە ویلایەت تەکساس، ئەو سەگە لە کوشنەیل پشت ماشینەگە بویە، و پای سەگەگە چیەسە بان زناد تفەنگ راو، و گولە لەلی دەرچگە، و خاوەن سەگەگە ک لەشان رانندەی ماشینەگە بویە، وەکوتپڕ کوشیا.
وەگورەی قسەی فرانس پرس: پیاوەگە لە تەمەن سی و دوو ساڵان بویە، وە کوتپڕ گولەگە کوشتیەسەی.
دەسەڵاتەیل ئاشکرا نەکردنە ئایا قوربانیەگە خاوەن سەگەگە بویە، باوجی رووژنامەی ئیکسپرێس بەریتانی وت: قوربانیەگە خاوەن سەگەگە بویە.
رووژنامەگە وتیش: هەنای تیم فریاگوزاری رەسیە سەگەگە لەناو ماشینەگە خەفتوێد، و پیاوەگە مردگە.
