زوکەربێرگ وە زیاتر لە ١٨٦ ملیار دۆلار لە لیست دەوڵەمەنەیل لە مەسک بەێدەو
2024-04-06T14:51:55+00:00
شەفەق نیوز/ دامەزرێنەر فەیسبووک مارک زوکەربێرگ لە رزبەن دەوڵەمەنترین کەسەیل جیهان کە لەلایەن بلومبێرگەو دەرچگە، لە ئیلۆن ماسک وەڕێوەبەر جیوەجیکار کۆمپانیای تێسلا رەد کرد، و ئەرا یەکەمجار لە ساڵ ٢٠٢٠ەو بویە سێیەم دەوڵەمەنترین کەس جیهان.
ماسک کە لە سەرەتای مانگی ئازار لە ڕزبەندی بلومبێرگ پلەی یەکەم داشت، دوبای ئەوەگ ڕۆیتەرز بڵاوی کرد تێسلا پلانەيلي ئەرا بەرهەمهاوردن ماشین کەمتر گرانبەها هەڵوەشانەو يەیش بویە مدوو داوەزیان تیرەی کۆمپانیاگە، هەرچەن ماسک ڕەتی کرد.
وەگورەی بلومبێرگ، سامان ماسک لە ماوەی ساڵ 2024، 48.4 ملیار دۆلار کەمکردگە و رەسیەسە 180.6 ملیار دۆلار، و زوکەربێرگ 58.9 ملیار دۆلار لە سەروەت و سامانەگەی زیایکردگە و رەسیەسە 186.9 ملیار دۆلار وەگەرد بەرزبوین تیرەیل مێتا ئەرا ئاستیگ پەیمانەیی نوو.
یە یەکەمجارە کە زوکەربێرگ لە دویای ١٦ی تشرین دویەم ٢٠٢٠ەو بچوودە ناو سێ پلەی یەکەم رزبەندی بلومبێرگ، کە سامانەگەی ١٠٥.٦ ملیار دۆلار بویە و سامان ماسکیش ١٠٢.١ ملیار دۆلار بویە.
