زانایەیل کۆمپیوتەریگ لە مێشک مەیموونیگ دانەن

میدیایەیل چین بڵاویکردنە، شۆرشیگ زانستی نوو لە مژار تەکنەلۆجیای کاڵین کۆمپیوتەر لە مێشک راگەینیاگە، لە دویای ئەوەگ گروەیگ لە زانا و توێژەرەیل زانکۆی نانکای وە سەرکەفتی توەنستنە کۆمپیوتەریگ لە مێشک مەیموونیگ بکاڵن. 

زانایەیل دیاریکردنە مەیموونەگە توەنستیە وە سەرکەفتی شەپوول کارەبایی لە مێشکی ئەرا کۆمپیوتەرەگە کلبکەێد  و لەرێەو دەس رۆبۆتیگ بخەێدە جویلە و خوەراک بڕەسنێدە دەمی.

ئی تاقیکردنەوە زانستیە تەقەڵایگ سەرەتاییە ئەرا ئەوزەڵداین وە تەکنەلۆجیای کاڵین کۆمپیوتەر لە مێشک ئایەم، زانایەیل لە توێژینەوەگانیان وەردەوامن تا بڕەسنە ئەوەگ بیمارەیل خاوەن پداویستی تایبەت ئەوانەگ تویش ئفلیجی هاتنە بتوەنن سوود لەی تەکنەلۆجیا بگرن و لەڕییەو کارەیلیان ئەنجام بدەن.