زانایلە خوازن بچنە بندروس چەوچەی حووری دەریا
شەفەق نیوز/ تاقیکردنەوەی دەگمەنیگە ک زانایگ خوازن ئاشکرای جەوەچەی مومیاکردن "حووری دەریا" ٣٠٠ ساڵان بکەن، ک دەمچەو ئایم دیرێد.
تۆژێنەوەکارەیل زانکۆی کوراشیکی ئەرا زانست و هونەرەیل مومیا دەسکردنە وەشکینیگ وە تیشک تا ئاشکرای نادیارەیلی بکەن.
ئەو "حووری دەریا" وەشیوەی دخبەریگ دیارە، ک دەمچەوی درجە و دگانەیلی گەپە، و مۊ لەبان دەس و تیوڵی هەس، باوجی بەشە خوارینەی جۊر دۊ ماسییە.
هیروشی کینوشیتا ئەندام کۆمەڵەێ ئۆکایاما ئەرا فلولکلۆر ئۊشێد: شایەت ئەو مومیا گرنگی ئاینی داشتگە، ک حووریەیل دەریای یابانی ئەفسانەی نەمری دیرن، و ئۊشن: ئەگەر گووشت حووری دەریا خواردێ قەت نێمری.
جی باسە ک ئی مومیا درۊژیەگەی رەسێدە ١٢ بۆسە، لە زەریای ئارام لەناو ساڵەیل ١٧٣٦ و ١٧٤١ هاوریاگە، و ئیسە هاناو پەرستگایگ لە شار ئاساکۆچی لە یابان.
و تا ئیسە دیار نیە کەی و چۊن ئی مومیا هاتیەسە پەرستگای ئێنجوین لە ئەساکۆچی ک یە ٤٠ ساڵە نریاسە ناو سەندوقیگ سۊشە. ية
