زانیاریلیگ ئاشکرای مردن هەسارەی مەڕیخ کەن

شەفەق نیوز/ توێژینەوە کارەیلیگ لە زانکۆی ئەیرزۆنای ئەمریکی لە گۆڤار زانستی ساینس ئاشکرا کردن ک مەڕیخ جوور ئیسە مردگ نەوی، و ئاماژە ئەرا ئەو هووکارەیلە کردن ک هیشتنەی بڕەسێدە ئی رەوشیە.

وەرجەیە، مانگەیلیگ دەسکرت رەسینە بەڵگەنامەیلیگ خەوردان ک هاماریەیل مەڕیخ چەم وەپیانەو رەد بیاد، و کەشوهەوای هەسارە سوورە گەرم و تەڕەگە زەمینەی گونجیاگیگ ئەرا زاوزویکردن مایکرۆبەگان جوور زەوی داشتگە.

زاناگان هووکارەیل ئی هشکیە ک مەڕیخ وەخوەی دوینێد بردنەو ئەرا لەدەسدان تووکڵە ئاسمانیەگەی، ک بەشە ئاوەگان فرە وەزوەی باڵەو گردن.

لە لێدوان شین ستون پسپۆڕ کیمیایی ئەسارەگان لە زانکۆی ئەریزۆنا وت:. هشکەوبوین ئاوەگە وەئاساتی بوود هەنای تووکڵە ئاسمانیەگە خراو بوود.

وەگورەی توێژینەوەگە؛ شایەت مەریخ لە رەوژەیل پەیابوین سیستم خوەرینمان وەشیوەی زەوی بویە، ک هەردوگ ئەسارەگە ناوک کانزایی تاویاگ وزەدار لەناویان بویە، و هەماهەنگی وەگەرد شەپۆلەگان کردیاد و تەیمانەی موگناتیسی دروسکردیاد تا مقەیەتیی لە رەشەبای خوەرین و تیشکە توندەگان بکەێد، ک لە سەرەتایی هێشتیاد ئاوەگە لەبانی فرە بوود.