زیاتر لە ٣٠٠٠ هەزار کەس لە سویر گەنجیگ بەشداری کەن کەسیگیان نیەناسێد
شەفەق نیوز/ ئاهەنگ سویر گەنجیگ جەزائیری وەناو سوفیان عەقاقنە، لە شار خنشلە، دەسخوەشیکردن فراوانیگ وەخوەی دی، هەنای مەردم شارەگە و لە دەیشت شارەگە هاتنە ناو ئەو سویرە.
وەرجەیە، داڵگ زاواگە، لە پارچە ڤیدیۆیگ لەبان سۆشیال میدیا دەرچگ، هەنای ئەرا تەنیایی ئی کوڕیە لە وەخت سویرەگەی گیرێد، ک هیشت مەردمەگە بڕەسنە هانای.
داڵگ سوفیان هەنای خنیە کردە ناو قەپاڵ کوڕەگەی، نووڕی ک دەور کوڕوگەی چووڵە، و ئی کوڕیە لە سویرەگەی بیکەسە، ئەراوە دەسنا گیری.
بڵاوبوین ئەو پارچە ڤیدیۆی داڵگ سوفیانە، هەنای گیرێد و ئویشێد خوەزگەو مەردمیگ لەی سویرە ئامادە بوون، لەناو جەزائیر جویر بڵویزەی ئاگر بڵاو بوی، ک هیشت سەدان لە ماشینەیل گرانبەها و سەدان کەس لەناو ئەو سویرە بەشدار بوون.
ئەو هاوخەمیە وەگەرد داڵگ زاواگە ک سویرەگەی وەخوەی دی، بویە کاریگ ک سەرسام سوفیان و داڵگ سوفیان و مەردم فرەیگ کرد، ک شمارەی جەماوەر سویرەگە رەسیە هەزاران.
سوفیان کوڕیگ نەدارە، هەنای بڕیار دا سویر بکەێد، کەسیگ لە نزیکی نەوی، تا بوودە بەشداریگ لەو خوەشییە، تا لە پۆستیگ لەلایەن یەکیگ لە ماڵپەڕەیل مەدەنی ئەو پۆستە بڵاو کرد، تا وەناکاوەو پڕ دەوری لە مەردم بوی، لە مەردمیگ ک خوەی کەسیگیان نیەناسێد.
وەگورەی بڵاوکردن وینە و ڤیدیۆی ئەو ئاهەنگە، نزیکەی ٤٠٠ ماشین وزیاتر لە ٣٠٠٠ کەس لەو سویرە ئامادە بوین، ک ری سەرەکی شارەگە بڕین.
