رووسیا گورانیچڕ ئۆکرانییگ خەێدە لیست داواکریاگەیل
2023-11-21T06:32:26+00:00
شەفەق نیوز/ ئاژانس خەوەری رووسیا راگەیاندیە وەزارەت ناوخوەی رووسیا گورانیچڕیگ ئۆکرانی وە ناو سۆزانا جەمال دینۆڤا کە یەکیگە لە بەرەندەیل پێشبڕکێی "یۆرۆڤیژن" ساڵ 2016 خستیەسە لیست داواکریاگەیل.
گورانیچڕەگە وە لایەن رووسایاوە چەن توومەتیگ ئاراستەی کریاگە لە دیارترینی بڵاوکردن زانیاری نادروس لەباوەت سووپای روسیا و بەشداریکردن لە جەنگ لە بازنەی ئۆکرانیا.
سۆزانا دینۆڤا لە وە ناو نازاری جەمالا کارە هونەرییەگانی بڵاوکەێد و خێزانەگەی سەر وە خانەوادەی تەتاری کریمییە، لە ساڵ 2016 بویە بەرەندەی کێبڕکێی یۆرۆڤیژنی هونەری، گورانی "1944" بویە هووکار بەرندە بوینی، کە باس لە وە کەن دویرەوخستن خانەوادەی تەتاری کریمی کەێد وەلایەن یەکێتی سۆڤیەت.
