چیرووک ئەو ماڵە کە هیتلێر لەناوی لەداڵگبویە.. ئەڕا چە بوودە بنکەی پولیس؟
2023-10-03T08:04:42+00:00
شەفەق نیوز/ رووژ دووشەممەی گوزەشتە، دەسکریا کار ئەرا ئەوە کە ئەو ماڵە کە لە ساڵ ١٨٨٩ لە نەمسا، هیتلێر لەناوی لەداڵگبویە، بکریەێدە بنکەی پولیس، کە ئی پڕووژە خوازێد بکەێدەی شوینیگ نەخوازیای، تا ئەو کەسیلە کە دووس ئەو دیکتاتۆرە دیرن، واز لە سەردانکردن ئی شوینە بارن.
ئەو بڕیارە لەباوەت بانان بیناگە لە دویادویای ساڵ ٢٠١٩ دریا، کە کەفێدە ناوچەی براوناو ئەم ئێن، کە کەفێدە بان سنوور نەمسا وەگەرد ئەڵمانیا.
پلانەگە خوازێد بنکەیگ پولیس لەناوچەگە وپەل ئەکادیمیایگ ئەمنی دروس بکەێد، کە ئەفسەریل پولیس وانە لەبان ماف مرۆڤ لەناوی وەرگرن.
دویەکە دووشەممە، کراکارەیل تەیمانەیگ بینا کرد، و دەسکردنە ئەندازەگردن ئەرا کارەیل بیناکردنەگە، و مەزەنە هەس لە سەرەتای ساڵ ٢٠٢٦ تەواو بوود.
چیرووک ماڵەگەی هیتلێر
وەرجەیە مشتومڕیگ لەبان خاوەنداریەتی ماڵەگە بویە، و لە ساڵ ٢٠١٧ باڵاترین دادگا لە نەمسا ئەو گیچەڵە یەکلاوە کرد، کە حکومەت دەس نا بانی.
لە ساڵ ١٩٧٢ وەزارەت ناوخوەیی نەمسا ئەو بینا گردە کرا، و دریا چەن ریخریاییگ خێرخوازی، تا بویە بنکەی چەودیاریکردن کەمئەندامەیل، و لە ساڵ ٢٠١١ چووڵ کریا، و تا ئیسە وە چووڵی مەن.
