چیرووک ئەو سویرە لە مەغریب کە خەڵک ئاواییگ لە زەویلەرزە مەرگبارەگە قورتار کەێد
وەگورەی میدیایل راگەیانن، گشت کەسەیل ئاوایەگە لەو زەویلەرزەی ویرانکەرە رووژ جمعەی گوزەشتە قورتار بوین، کە ماڵەیل سەنگییان رمان، لەو وەختە کە ئەرا خوەیان لەناو سویر و گورانی میللی ئەمازیغی لەو دەیشتە خوەشی کردیان.
بڕیار بوی سویر حەبیبە ئەجدیر ٢٢ساڵان و باخەوان سیفیگ وەناو محمد بوزاز ٣٠ ساڵان لە ئاوای کوتو رووژ شەممە بویاتادە.
بنەماڵەی وەیوەگە سویرەگە وەرجە رووژیگ لە ئاوای (ئیگیل نەتلغومت) ئەنجام دان، کە ماڵ باوان وەیوەگە لەورا بویە، وەگورەی رسوومەیل ئەنجام دریا، و مکیس گشت خەڵک ئاواییەگە کردوین، و گشتیان مەوقەی ئەو زەویلەرزەی ویرانکەرە لەو دەیشتە بوینە لەناو ئاهەنگ، کە ماڵەیلیان وە چووڵی رمیان.
بوزاز وت: زەویلەرزەگە هیشتەی رخی بچوود لەبان ژنەگەی کە ئەویش لە ئاواییەگەی خوەیان چەوەڕیی کەێد.
وتیش؛ تواستیمن ئاهەنگ بکەیمن، ئمجا زەویلەرزە بوی، دي نەزانستم بکەفمە ختوورەی ئاوای ئەو یا ئاوایەگەی خوەم.
خەڵکەگە وتن: ئاوای ئەجدیر کە ئاواییگ لاتە، وە تەواوی کاول بوی، و ئیرنگە فرە لە دانیشتگەیلی بی شوینن.
ئەو زەویلەرزە کە سەختترین زەویلەرزەس لە ساڵ ١٩٦٠ تا ئیسە، بویە هوکار کوشیان زیاتر لە ٢٩٠٠ کەس، فرەیان لە ناوچەیلیگ دویر لە زنجیرەی کویەیل ئەتڵەس گەورە لە باشوور مەراکش.
تەنیا یەک کەس لە ئاوای ئیگیل نەتلغومت زەخمدار بوی، ئەویش ئەحمەد عەلی ئەبات بوی لە تەمەن ٨ ساڵان، کە مەوقەی زەویلەرزەگە سەنگیگ کەفتە بان سەری.
باوگ وەویەگە، محمد ئەجدیر، لەتەمەن ٥٤ ساڵە، چادر گەورەیگ لە چووڵایی ماڵەگەی هەڵدا، ئەرا میوانەیل سویرەگە، و ئیسەیش ئەو چادرە بویە ماوای ئەو کەسەیلە کە ماڵیان رمیا.
