چیرووک ئەو پیاوە کە وە هەڕە زەخمدار بوی و لیخەرووی هاتە دەر و دووارە خستەی ناوزگ خوەی
![چیرووک ئەو پیاوە کە وە هەڕە زەخمدار بوی و لیخەرووی هاتە دەر و دووارە خستەی ناوزگ خوەی](https://media.shafaq.com/media/arcella/1695034882223.jpg)
پیاوەگە تویش ژان فرەیگ هات، تا نووڕێد کە ناوزگی کەفتیەسە دەیشت، وەلێ وەدەس خوەی لیخەروو و ناوزگی گردەو کرد، و خستەیانە ناو داوان شەویەگەی، و خوەی رەسانە خەسەخانە.
كلانسي باوگ چوار کوڕە، لەو زەخم سەختە خاسەو بوی، و تەنیا شوین لەکەیگ لەبان زگی مەنەو.
وەگورەی رووژنامەی «سەن» ئەو پیاوە لە تەمەن ٦٧ ساڵە وت: بڕیگ پارچەی چوو داشتم، و کار لەلیان کردم، و تکەپا دام، و کەفتمە بان دەم هەڕەگە.
زانستن کە ناوزگم کەفتە دەیش لەشم، و خوەم هیز دام، و چگمە ناو ماڵەگە، و ناوزگم گردەو کردم، خستمەی ناو شەویەگەم، و وەزوی خوەم رەسانمە خەسەخانە.
وتیش؛ ژنەگەمیش لەماڵ نەوی، ئەراوە ناچار بویم ماشینەگە تا خەسەخانە بڕانم.
هەناێ رەسیمە خەسەخانە، کادرەیل پزشکی واقیان پەڕێد، و زویوەزی کەفتنە دەورم، منیش لەوەر ژان نزیک بوی لە هووش خوەم بچم.
لەو خەسەخانە، وە ماشین فریاکەفتن ئەرا خەسەخانەیگ نەشتەرگەری بریام، و لەورا چارەسەر بویم، و رزگار کریام.