رووژ جەهانی زوان داڵگی
2024-02-21T09:57:41+00:00
شەفەق نیوز/ گشت ساڵیگ لە رووژیگ جویر ئمڕوو 21 شوبات لە سەرانسەر جەهان یاد زوانی داڵگی کرێد، کە لە رووژ بزوتنەوەی بەنگلادیش لە ساڵ 1952 سەرچەوە گردیە کە هەڵبەت ئەو مەوقە بەشیگ بوی لە خوەرهەڵات پاکستان، لەو ساڵە شمارەیگ خوەنەوار زانکۆی داکا دژ وە سیاسەت یەک زوانی ناڕەزایی نیشاندان، لەئەنجام 11 کەس وە دەس هێزە ئەمنیەیل پاکستان کوشیان لەساڵ 1956 دەوڵەت وە ناچاری دان داناس وە زوان بەنگالی.
لە ساڵ 1999 رێکخراگ یۆنسکۆ سەر وە نەتەوە یەکگرتگەیل رووژ 21 شوبات گشت ساڵیگ جویر رووژ زوان داڵگی ناسان جویر وە هویرەوهاوردن قوربانیەیل بەنگلادیش.
