رمانن قەواسە و دیوار ماڵیگ ئەرا دراوردن ژنیگ کیشەگەی رەسێدە ٣٩١ کیلۆگرام
2023-05-11T09:20:45+00:00
شەفەق نیوز/ فریاکەفتن فەرەنسا ناچار بوی دیوارەیل بڕمنێد نا ژنیگ چاخ کیشەگەی رەسێدە ٣٩١ کیلۆگرام لەناو ماڵەگەی لە باکوور فەرەنسا درارێد تا بوەێدەی خەسەخانە
ئەو ژنە یە نزیکەی ٢٠ ساڵە لەناوچەی ستینای لەبان سنوور وەگەرد بەلجیکا و لۆکسومبورگ داکاسیاگە، و وەرجەیە رازی نەویە دەسمیەتی پزشکیی بیریەێد.
وەگورەی ئاژانس خەوەری ئەڵمانیا، ئامادەکردن ئەرا ئەو کارە چەن مانگیگ کیشاد، و ماشین فریاکەفتن تایبەت ئەرا کەسەیل کیش سەنگین لە بەلجیکا وەقەرت هاوریا.
وەرپرسیگ حکومەتی وت: وەرجەیە ئیجویر کاریگ لە فەرەنسا نەویە.
کراکارەیل فریاکەفتن دیواریگ لە قات خوارین ماڵەگە رمانن، و کوناکونای قەواسەگە کردن و لە پەنجەرەی ماڵەگە ئەو ژنە دراوردن.
