پیرترین بازیکەر تووپان چوودە ناو کتاو گینیس
2023-02-01T10:14:40+00:00
شەفەق نیوز/ دەیڤید مودج ئوسترالی، بویە پیرترین بازیکەر تووپان لە میژوو ئی بازیە، ک هیمان بازی وە تووپ کەێد، و هەرچەن تەمەنی فرە پیرە، وەلێ هیمان لە بازیەیل بەشداری کەێد.
باوە ک بازیکەر تووپان لە تەمەن ٣٥ ساڵە خانەنشین بوود، باوجی بەشیگیان هەکاتی زلاتان ئیبراهیموڤیچ تا ٤١ ساڵە بازی کرد.
وەگورەی سایت "ئینديان ئیكسبريس"دەیڤد مودج ئوسترالی بویە پیرترین بازیکەر تووپان و چیە ناو کتاو گینیس.
سایت فەرمی گینیس وت: مودج ک لە هەفتەی گوزەشتە ئاهەنگ ٨٠ جەژن لەداڵگبوینی کرد، هەنای ئەرا یانەی کەیسینگ پوینت لە بازی یەکێتی ناوچەیل باکوور وەرانەوەر تورامورا بازی کرد تەمەنی ٧٩ ساڵ و ٨٩ رووژ بوی.
مودج ک یە ٤٥ سالە وەگەرد تیمەگەی بازی کەێد، داوا کرد تا بچوودە ناو کتاو گینیس ئەرا شمارەیل پەیمانەیی، دوياي ئەوە ک زانست خاوەن ئەو نازناوە لە کتاوەگە بازیکەر تووپان لە تەمەن ٧٣ ساڵە بویە.
دەیڤید مودج هیمان هەفتانە تووپان وەگەرد تیمیگ کەێد، تەمەنیان لە ٤٥ ساڵە زیاترە.
