راهێنان بوونکردن ئەرا ئەو کەسەیلە هەس بوونکردن لەدەسدانە
2023-04-18T11:45:27+00:00
شەفەق نیوز/ توێژینەوەی نوویگ دەریخەێد ئەو کەسەیلە هەس بوونکردن ئەرا ماوەی فرەیگە لە دەسدانە توەنن شیوازیگ وەکاربارن وەپی ئوشریەێد راهێنان بوونکردن تا دەسمیەتیان بدەێد ئەرا زاڵبوین وەبان ئەو گیچەڵە.
وەپای توێژینەوەگە، هەڵمژین بوون پرتەقاڵ یا لیموو لە رووژیگ دوو جار دەسمیەتیدەر خاسیگە ئەرا گلەوداین توانای بوونکردن ئەو تاڵەتەیش پەیوەنی وە توویشبوین وە ڤایرۆس کۆرۆنا دیرێد.
راهێنان بوونکردن تەکنیکیگە لە کەسیگ گیچەڵ بوونکردن دیرێد کارکەێد ئەرا بەرزەوکردن ئاست ناسینەوەی بوونەیل وەپای ئەوەگ توێژەرەیل پیشنیار بوونکردن بوونە باوەگان ناو ماڵ کەن جویر نەعنا لیموو پرتەقاڵ قاوە لە رووژیگ دوو جار.
