ئەرا چە هێمای دادپەروەری ژنیگە وە چەو بەسیاگ و تەرازوی ها دەس راسیەو شمشیر وە دەس چەپی؟
2022-09-14T09:51:47+00:00
شەفەق نیوز/ هەر جویر ئەوەگ دیار هێمای دادپەروەری ژنیگە وە چەو بەسیاگ، هوکار چەو بەسیاگیەگەی ئەوەس دادپەروەری پێویستی وە ئەوەسجیاوازی لەمابەین هویچ لایەنیگ نەکێد و لە وەردەمی گشتێ جویر یەک بوون.
لەباوەت ئەوەی تەرازوی هەڵگردیە دیاری وەدەسهاوردن ماف کەێد وەپای یاسا وە یەکسانی، هەنای دوو لایەن بەڵگەیلە پیشکەش کەن ئەرا وەرگیری لە خوەیان، لە دویاجار وە یەکسانی لە مابەینیان بڕیار دریەێد.
ئەو شمشیرە وە دەس چەپی هەڵیگردیە، نیشانەیگە ئەرا سزادان و ریگریکردن لە تاوان و تۆڵەسەنین لەلی ئەرا ئەو تاوانە ک کردیەسێ، وە جویریگ گشت کەسیگ شوین راس و دروس خوەی بگرێد، و تەرازویەگە دوارە یەکسانی دروسکەێد.
لەباری ئەوەگ هێماگە ژنە نەگ پیاو، ئەوەسان سەرەڕای هەبوین شمشیر و تەرازوی، رەحم و بەزەیی ها لە دادپەروەری، هەر جویر ئەوەی دڵ ژن وە بەزەییترە لە دڵ پیاو.
