ئەرا یەکەمین جارە.. پەیابوین وەچکە پاندا لەناو باخچەی ئاژەڵەیل لە رووسیا
2023-08-31T10:33:17+00:00
شەفەق نیوز/ جفت پاندای گەورە، روی و دیندین، لەناو باخچەی ئاژەڵەیل لە رووسیا، وەچکەیگ زاین.
ئەوەیش وە رویداویگ میژووی دریەێدە قەڵەم، کە ئەو وەچکە یەکەم وەچکە پانداس لە رووسیا پەیا بوود، و کویخای مۆسکۆ سیرگی سوبیانین لەبان سۆشیال میدیا نویسان: یە کاریگ دەگمەنە لە ئەنجام کار هەماهەنگ پسپۆڕەیلمان وەرد هاوڕیەیل چینی هات.
جی باسە کە روی و دینگدینگ لە ساڵ ٢٠١٩ رەسینە مۆسکۆ، و لەناو باخچەیگ تایبەت دانریان، تا وەهار ساڵ ٢٠٢٣، وە سەرپەرشتیاریی پسپۆڕەیل وڵات چین، نیرە و مایەگە یەکەو گردن.
وە کەمتر لە شەش مانگ مایەگە وەچکەیگ زایێد، و ئەو کارە بویە رویداویگ میژووی ناوەین رووسیا و وڵات چین کە ئی جفت پاندا پیشکەش کرد، هەمیش بویە کاریگ میژووی لە گشت کۆمەڵگای ژینگەیی جەهان.
