ئەرا زگوردەیل...لە رووژ ڤالانتاین ئی کارەیلە ئەنجام بیە

ئەرا زگوردەیل...لە رووژ ڤالانتاین ئی کارەیلە ئەنجام بیە
2023-02-14T08:28:06+00:00
شەفەق نیوز/ رووژ ڤالانتاین ک کەێدە 14 ی شوبات زیاترین دیاری وو گوڵ و شیرینی لەمابەین دوسەیل بەخشریەێد، وە تایبەت وەلایەن ئەو کەسەیلە هاوسەرگیری کردنە یا دوسیگ دیرن، باوجی ئەو کەسەیلە زگوردن "سینگڵ"ن توەنن چەن کاریگ ئەنجام بیەن تا هەس وە تەنیایی نەکەن. 

ماڵپەڕ ریدسی بەریتانی لە باوەتیگ هەمەڕەنگ بڕیگ رینمایی خستیەسە روی ئەرا کەسەیل سەڵت ک لە رووژ دووسی ئەنجامی بیەن تا لە هەس  تەنهایی و بی تاقەتی دویرەوبکەفن، ئەوانیش:

یەکەم: لەی رووژە وە تەنیا بچوو ئەرا سینەما و تەماشای خوەشترین فیلم بکە.

دووەم: شەوە ئاهەنگیگ وەگەرد هاوڕیەیل ساز بکە و وەگەرد یەک و وەخت خوەشیگ بوەنەسەر. 

سێیەم : توەنێ بچیدە دەێشت شارەگەد و چێژ لە وەختەیلد وەربگری.

چوارەم: خواردن ئیوارە ئەرا داڵگ و باوگد یا خانەوادەگەد ئامادە بکە.

پەنجەم: دویرەوبکەف لە تووڕە کۆمەڵایەتیەیل و پەیوەنی بیزارکەر وەگەرد کەسەیل نەرێنی ئەنجام مەیە.

شەشەم: گوڵ یا هەر چشتیگ ک ئەزرەتی کەێد جویر دیاری ئەرا خوەد بسین.

Shafaq Live
Shafaq Live