راپۆرتیگ ئیسپانی: شاکیرا بەشداری ئاهەنگ پێشکەشکردن میسی وەگەرد ئینتەر میامی کەێد
2023-07-13T07:11:53+00:00
شەفەق نیوز/ چەند راپۆرتیگ رووژنامەوانی سوپرایز ئاشکرا کرد لەباوەت ئاهەنگ پێشکەشکردن لیۆنێل میسی ئەرجەنتینی ئەسارەی یانەی ئینتەر میامی وەگەرد تیمە نووەگەی.
میسی وە گواستنەوەی ئازاد هاتە ناو رزەیل ئینتەر میامی ئەمریکی، دویای ئەوەگ لە کۆتایی وەرز گوزەشتە گرێبەسەگەی وەگەرد پاریس سانجێرمان فەرەنسی کۆتایی هات.
وەگورەی رووژنامەی (UOL) بەڕازیلی، خانمە گورانیچڕیگ لاتینی لە ئاهەنگ پێشکەشکردن میسی وەگەرد یانە نووەگەی ئینتەر میامی بەشداری کەێد، لە وەختیگ یانەگە رازی نەویە هویچ هویردەکارییگ ئاهەنگەگە ئاشکرا بکەێد.
رووژنامە بەڕازیلییەگە وتیش: ئی گورانیچڕە خوەی شاکیراس کە یار وەرین جیرارد پیکێیە کە برادەر وەرین میسی بوبە لە بەرشەلۆنە.
شاکیرا وەتەنیا لە مەراسیم پێشکەشکردن میسی نییەر بەڵام ئاهەنگەگە ئامادەبوین مالوما وەخوەی دوینێد کە بڕیارە لە شانزەی مانگ تەمموز وەڕیەو بچوود.
