ئەرا دڵخوەشی ژنەگەی.. ماڵەگە گڕخوەێدە چواردەور
شەفەق نیوز/ تا ژنەگەی بیزار نەوود، و هەر وەختیگ بخوازێت رۊی ماڵەگەی بکەێدە لاییگ، ئەو پیاو وەفادارە، ماڵیگ ئەرا ژنەگەی سازێدە، ک وهەر چواردەورەکەی گڕ خوەێد، جاریگ رۊیی کەێدە خوەرەگە، و جاریگ بنووڕێدە هاتووچگن مەردمەگە.
لە وەردەم ئەو ماڵ نووە، ک مەردمەیل فرەیگ هاتنە سەردانی، کابرای بۆسنی فۆجینکوسیتش ٧٢ ساڵان، ئەرا رۆیتەرز وت: ژنەگەم فرەجار خوەشی لە ئاڵشتکردن شیوەی ماڵەگە هاتیاد، تا وەپی وتم: ئەوەسا ماڵیگ ئەرا سازم وەدڵ خوەد ئاڵشتی بکەێد.
لە هاماری نەختیگ لە باکوور بۆسنە نزیک ناوچەی سرباتس، ماڵەگە لەبان میرگ هەفت مترییگ گڕ خوەێد، ک پیاوەگە وەدەس خوەی سازیەسەی. شیوە و سیما و دیمەن دەیشتەگە وزۊی ئاڵشت کریەن، ک یەک جار رۊیی هالە بووسانەیل زڕات و زەویەیل کشتوکاڵی، و جاریگیش هالە دارستان و چەمەگە.
شۊیەگە وت: ماڵەگە وەچواردەوەگە وە ماوەی ٢٤ ساعت توانای گڕخواردن دیرێدخ ک وە ٢٢ چرکە گڕیگ تەواوەتی خوەێد، باوجی ژنەگە هۊچ قسەیگ دەربارەی ئی ماڵ نووە نەکرد.
