" گریوە خەنِگ"

رودوس فه‌یلی "مسته‌فا به‌یگی" / ژنەگە وە خوەشڵەخوەشی وت:پیاگه! پیاگە!مزگانی بایەد بدەیت وەم، زگم وە لفانگێ پڕە، دۊەتێگ و کوڕێ،
پیاگە ک نیەزانست خوەشی بکەێ کِ وە یەک زگ زایین یەکلا بۊە و یەک جار پۊل زاوەران و بیمارستان و سزاریەن کەفێگە ملێ، یا گری بکەێ چوون هووڵ و تەوەنِ خەرج و پووشاک و شیرهشک و ... بردبۊگەی، وە گریوەخەنگەوە بڕ بردەی و وت:
مزگانی دیری وە خودا، وەلێ وەی ژیان و زنەی قنزیە کِ ئیمه دیریمن: نام ِ کوڕەگە بایەد بنیمنە "قنزەلی" و دۊەتەگەیش "قنزییە" چوون دی دە راسی قنز خواردگەسەمان، جوورِ هیها "ئژده‌ها"
٭فه‌رهه‌نگۆک:
قنز = قسط
قنزیه= لانام دۆتێ ک وه قسط گه‌په‌و بی.
قنزه‌لی= لانام کوڕێ ک وه قسط گه‌په‌و بییه.