دەزەخەوەر نوو لە ئایفۆن ١٢

دەزەخەوەر نوو لە ئایفۆن ١٢
2020-07-02T15:20:53+00:00

شەفەق نیوز/ سەرچەوەیگ چەودیر لە کۆمپانیای ئەپڵ، ووردەکاری نوو دەربارەی مۆبایل ئایفۆن ١٢ ی نووەگە باس کرد، ک کۆمپانیاگە تەگبیر داوه‌زانی ئەرا بازاڕ دیرێد.
سەرچەوەگە وت: مۆبایل ئایفۆن نووەگە وە بی چانجەر و هیدفۆن فروشیەێد، ک هەڵبەت لە نرخەگەی کەمەو کەێد. ماڵ پەڕ @L0vetodream ک ناسریاگە وە راسگۆیی خەوەرەگانی دەربارەی ئەپڵ ، نووساد: ک مۆپایل ئایفۆن ١٢ وەبی چارجەر و هیدفۆن تیەێد، و هەمیش مۆبایلەیل SE2 .
بڕیارە کارتۆن مۆبایلە نووەگە بویچکتر بوود وەگورەی ماڵپەر "9to5mac".
ماڵپەڕ ( دی ڤێرج) دوینێد؛ ک خەوەرە دویایینەگان ئاماژەدەن ک وەکارهاوەرە نووەگان ناچار بوون چارجەر و هیدفۆن وەجیا بسینن.
راپۆرتەگان وەرجەیە باسکردن ک پەتای کۆڕۆنا کارەگەری کەێد لە بان به‌رنامه‌ی کۆمپانیاگە ئەرا پەردە لاداین لە مۆبایل ئایفۆنه‌ تازه‌گه‌ ، تا راگەیانن لەلی بکەفێدە پایز.
راپۆرتەگان ئووشن؛ ئەپڵ گشت مۆدێلە نووەگانی کەێدە سگرین لە مارکەی ئۆلید لەجیای لید، و وەگەرد کۆمپانیای BOE کارکەێد ئەرا دروسکردن ئی سگرینە، ئەرا مقەیەتی لە کەمی خەرجەگەی وەگورەی توانا، وگەرد وەردەوامی ووردی لە کارکردنەگەی خود ئایفۆن ١١ .
لەباوەت هوویرمان دەرچگن هەڕەمەکی لە ئایفۆن ١٢، راپۆرتەگان ئاماژەدەن ئەرا ئەوە ک ئەوەسا بوودە ٤ گیگابایت، بەڵکم لە ئایفۆن ١٢ بڕو بوودە ١٢ گیگابایت، و روبەر گردەوکردن ناویی بوودە ١٢٨ گیگابایت، وەگەرد دویرەوخستن لە دروسکردن سێیەم چاپ لە ئایفۆن ١٢ وە ٥١٢ گیگابایت، وەلی شایەت ئی قەوارەی گردەوکردنە لە ئایفۆن بڕو بوود.
لەباوەت نرخەیل، راپۆرتیگ لە ماڵپەڕ فۆن ئەرینا ئووشێد؛ نرخ ئایفۆن ١٢ چاپ ١٢٨ گیگابایت بایی ٦٤٩ دۆلار بوود، و ئایفۆن بڕو وە خود بەشکردنەگە رەسێدە ٩٩٩ دۆلار، و چاپ ٢٥٦ گیگابایت رەسێدە ٧٤٩ دۆلار لە ئەمریکا و ١٠٩٩ دۆلار ئەرا ئایفۆن ١٢ بڕو وە روبەر ٥١٢ گیگابایت.

Shafaq Live
Shafaq Live