دويەتیگ وە یەک رستە خوەی لە رفیان قورتار کەێد
2023-07-22T07:29:38+00:00
شەفەق نیوز/ پولیس لە ویلایەت تەکساس ئەمریکا دویەتیگ لە تەمەن ١٣ ساڵان لە باشوور کالیفۆرنیا لە رفیان رزگار کرد، دویای ئەوە ک دویەتەگە توەنست داوای دەسمیەتی بکەێد.
تووڕ سی ئێن ئێن ئەمریکی وت: ستیڤن رۆبەرت سابلان، ٦١ ساڵە، ئیسە کەفتیەسە وەر توومەت رفیان.
سابلان دەوانچە نادە روی دویەتەگە هەنای ئەو دویەتە لە کەنار ریەگە لە سات ئەنتۆنیۆ لە ویلایەت تەکساس ری کردیاد، و هەڕەشەی دا ک ئەگەر سوار ماشینەگە نەود تەقە لەلی کەێد.
تووڕەگە وتیش: سابلان چەن گلەیگ دەسدرویژی سێکسی لەبان ئەو دویەتە کردیە لەناو ریەگە لە تەکساس تا کالیفۆرنیا.
توومەتبار سابلان کریا وە رفیان و بردن دویەت ناخاڵەیگ وە نیاز کردەوەیگ سێکسی تاوانی.
دویەتەگە توەنست لەناو ماشینەگە مەوقەی کە سابلان لە لۆنگ بیچ لە ویلایەت کالیفۆرنیا چیەسە دەسشوور، توەنستیە لەبان کاغەزیگ بنویسێد (رزگارم بکەن) و ئەو کاغەزە لەناو ماشینەگەو بەرزەو بکەێد، تا کەسیگ ئەوە دیە و پەیوەندی وە بەش فریاکەفتن ئەمریکی کرد.
