دوارە تەقەلای دراوردن پارچە وەجیماگەیل کەشتی تایتانک دریەێد
2024-07-15T08:36:05+00:00
شەفەق نیوز/ کۆمپانیای RMS Titanic Inc، کە ماف دراوردن پارچە وەجیماگەیل کەشتی تایتانک دیرێد دویای چەن ساڵیگ یەکەمین گەشت خوەی ئەرا مینەکردن وەدویای وەجیماگەیل کەشتیەگە ئەنجام دەێد، ئەوانەی لە گەشتەگە بەشدارن راگەیاننە دڵنیان گەشتەگە قورس بوود باوجی لە هەمان وەخت ئامانج گەپیگ دیرن.
کۆمپانیاگە بنکەگەی ها لە جۆرجیا ماف یاسایی دیرێد ئەرا وشکنین و دراوردن وەجیماگەیل کەشتی تایتانک کە لە ساڵ 1912 نقوم بوی، گەشت کۆمپانیاگە کە لە رووژ جومعەی ئایندە دەسوەپی کەێد ئەرا کەشتیەگەی تایتانک یەکەمین گەشتە لەدویای ساڵ 2010.
لەوەختیگ کە ساڵیگ وەرجە ئیسە ژیر دەریایی تایتان هەنای وە قویڵایی زەریایی ئەتلانتیگ چووی ئەرا مینەکردن وەجیماگەیل تایتانک رویوەروی تەقیان هات و گشت سەرنشینەیلی گیان لەدەسدان.
