دویەتیگ خوازێد بوودە کارداشیان باوجی پەشیمانەو بوی
شەفەق نیوز/ جینیڤەر بامبلونا، دویەتیگ بەڕازیلیە لە تەمەن ٢٩ ساڵان، پویل فرەیگ ئەرا چشتیگ خەرج کرد ک دڵی خوازێد بوودە چاپیگ لە خانمە هەسارەی تەلەڤزیۆنی کیم کارداشیان.
رووژنامەی "نیویۆرک تایمز" ئەمریکی باس ئەو دویەتە کرد ک وەرجەیە کار نمایش پڕتاڵ کردیاد، ک وت: نزیکەی ٦٠٠ هەزار دۆلار ئەمریکی لەبان نەشتەرگەری جوانکاری خەرج کردیە.
خەرجەگە گشتی پویل نەوی، ک ئەو دویەت بەرازیلیە ١٢ ساڵ لە تەمەنی لە نەشتەرگەری جوانکاری پشتاوپشت گوزەران کرد، تا رەسیە ٤٠ نەشتەرگەری، ئەوەیش وەگەرد وەردەوامی لە "فیلەرز، وەئومید ئەوە ک بوودە کارداشیان شمارە ٢.
یەکەم جار، جینیڤەر دڵی وەی شیوەی نووە خوەش بوی، وەلێ دویای ئەوە دڵگران بوی، ک فرە کەس وەپی وتن "کارداشیان" وگشت ژیانی وەی شیوە گریە دریا.
وتیش: ئەو نەشتەرگەریەیل جوانکاریە لە کۆتایی خوەشی ئەرای ناورد، و خوەزەو ئەو کارە نەکردیاد، وتیش: خوازێد وەرجەیەگ بڕەسێدە تەمەن سی ساڵان ژیان خوەی ئاڵشت بکەێد.
هەرچەن ئیسە رەنگ گیس ودڵنگەیلی ئاڵشت کەێد، باوجی ئی ژنە هیمان هەس کەێد ک مینێدە کارداشیان.
ئەراوە، جینیڤەر ناچار بوی ١١٨ هەزار دۆلار خەرج بکەێد، تا وە نەشتەرگەری بچوودەو ئەرا جارانی خوەی.
