دویای گورانیەگەی شاکیرا.. پیکێە وینەیگ وەرد یارە نووەگەی بڵاو کەێد
2023-01-28T06:03:19+00:00
شەفەق نیوز/ دویای ئەو ک پەیوەندی گیرارد پیکێە بازیکەر تووپان وەگەرد یارەگەی ژیروەژیر بوی، ئیرنگە وە وینەیگ ک هەردوگیان وەیەکەو نشان دەێد، پیکێە وەبڵاوکرنی ئەو پەیوەندیە ئاشکرا کرد، وەگەرد ئەو ژنە ک بویە هوکار جیاوەبوینی لە گورانیچڕ کۆلومبی شاکیرا، ئەوەیش دویای بڵاوکرۆن گورانییگ وەلایەن شاکیرا ک قسەیل گورانیەگە وە گووش بیکێە هاورد.
شاکیرا لە دویادویای ٢٠٢٢ ، دویای ١٢ ساڵ پەیوەندی، لە پیکێە جیاوە بوی، و دوو کوڕ لەلی دیرێد.
پیکێە وینەیگ وەگەرد یارە نووەگەی کلارا سیا لەبان هەژمار خوەی لە ئینیستاگرام بڵاو کرد، تا دی پەیوەندییان بوودە فەرمی و ئاشکرا.
ئەوەیش دویای گورانیە نووەگەی شاکیرا ک لەناوی وە پیکێە ئویشێد ک توو چشتە گران و خاسەگە وەجی هیشتێ ئەرا چشتەیل ئەرزان.
