دویای مردن ماڕادۆنا ١١٤ (هەزار) پۆست پرسەی مادۆنا لە ئوسترالیا

شەفەق نیوز/ وەزیاتر لە ١١٤ (هەزار) پۆست لەبان تویتەر،، ئوسترالیەگان پرسەی مادۆنا هەسارەی موسیقای بۆب لەبان ماڵپەڕەیل پەیوەندیە کۆمەڵایەتیەگان بڵاو کردن. تویتەگان جوور: گیانی شاد بوود، وەڕاسی ئەفسانەیگ راستەقینە بوی، فەرەترین نموونەی بڵاوکردن پۆستەیل پرسەگان لەناونی ئوسترالیەگان بوین، ک لە راسیەگە بەشیگ لە دووسەیل مادۆنای گۆرانیبێژ، لەدویای راگەیانن مردن ماڕادۆنا هەسارەی تۆپان جهانی، سەر لەلیان شیویا، چوونکە ناوەگانیان لەیکەو نزیکن، و بەشیگیان لای خوەیانەو راگەیانن مردنەگە پەیوەندی وە مادۆنا هەسارەی بۆب دیرێد، ئەراوە، وەزوی دەسکردنە پۆستەیل پرسەگانیان ئەرا هەسارە خوەشەویستەگەیان. وەگورەی رۆژنامەی دیلی میل بەریتانی، و ماڵپەڕ دوتچی فیلا؛ زیاتر لە ١١٤ هەزار پوست پرسەی شاه موسیقای بۆب لەبان تویتەر بڵاو کریا، تا بوودە تەرەندیگ لە ئوسترالیا. جوور وەڵامدانیگ لەبان چاو مردنی، مادۆنا پارچە ڤیدیۆی نوویگ لەبان ماڵپەر خوەی لە تویتەر بڵاو کرد، ک وە شیوەی نوویگ خوەی نشاندەێد، تا دڵنیای مەلیونەیل لە دووسەیلی بکەێد.