دویای ٢٨ ساڵ لەناو زیندان.. بیگوناهی توومەتباریگ وەتاوان کوشنن
دادوەرە دەیڤید ماسون، بیگوناه لامار جۆنسن ٥٠ ساڵە کرد.
وەگورەی خانمە پارێزەر جۆنسن، ئەو توومەتبار بیگوناهە، خوازێد ساڵەیل تەمەنی وەگەرد خیزانەگەی بوەێدە سەر، و بچوودە ناو ژیانیگ ک زیندان لەلی بیبەشی کرد.
وتیش: بەڵگەی بیکوناهی توومەتبارەگە لەوەر دەس بویە، وەلێ ئەوانەگ ئەرزش ئەرا ژیان گەنجیگ سیا رەنگ لەلایان نەویە، ئەو بەڵگە شاردنەو.
جۆنسن لە ساڵ ١٩٩٤ تاوانبار وە تاوان کوشتن مارکۆس بوید کریا، ک دوو پیاو دەمپیچیاگ وەگولە کوشتنەی.
جۆنسن قوربانیەگە ناسیە، وەلێ وت: من ئی تاوانە نەکردمە، چوینکە مەوقەی تاوانەگە وەگەرد یارەگەم بویمە.
یارەگەی جۆنسن، ئیریکا بارو، لەو مەوقە لەلای دادگا وت: ئەو شەوە وەگەرد جۆنسن بویمە، وەلێ تەنیا ٥ خولەک لەماڵ دەرچگە تا هووشبەری بفرووشێد.
ئەو تاوانبارەگە ک وەخود توومەتەگە تاوانبار کریا، و ٧ ساڵ زیندانی لەبانی دەرچگ، لەی دویاییە وت: جۆنسن دەس لە تاوانەگە نەیرێد، و کەسیگتر وەگەردم بویە، و ئەو کەسە وەناو جەیمس خوارد ئەویش لەبان تاوانەیلیگتر دویای سێ ساڵ لە کوشیان بوید زیندان هەتایی کریاگە، ئەویش لەی دویاییە هاتە دەنگ، ک وت من بویمە.
