دویای ٢٦ ساڵ.. زانست ک چەقویگ لەپشتی چقیایە

شەفەق نیوز/ گەنجیگ جەزائیری ئاشکرای چەقویگ کرد ک لە ساڵ ١٩٩٦ چقیاسە پشتی، ک یە چەن ساڵیگە پزشکەیل وەپی نەزانستنە.  

فارس، ئەو گەنجە لە ویلایەت ستێف لە وڵات جەزائیر، یە ٢٦ ساڵە لە ژان پشتی هاوار کەێد، و کەسیگ نیەزانێد ک ئەو چەقوەگ لە ساڵ ١٩٩٦ دریاسەلی، هیمان لەناو پشتی مەنیە.  

رووژنامەی "ئەلشرووق" جەزائیری وت: لەو سەردەمە گەنجەگە کەفتە ژیر نەشتەرگەری، دویای ئەوە ک وەچەقو دریا لەلی، وپزشکەگە زەخمەگە تیمار کرد، وچەقوەگە لە لەشی هیشتە جی.

گشت ئی ماوە، ئەو گەنجە دەرمان ئارامکردن ژان خوەێد، تا وەی دویاییە سەردان پزشکێگ کرد، ووینەی تیشک ئەرای بریا، وچشتیگ لە پشتی لەناو وینەگە دیار دا.  

پزشکەگە لای خوەیەو ئامێر تیشکەگە گیچەڵیگ هاناوی، ئەراوە ئەو گەنجە کلکرد تا لەشوینیگتر وینەی تیشکی بگرێد، باوجی ئەو چەقوە لەپشتی مەنیە. 

فارس جاریگتر کەفتە ژیر نەشتەرگەری، تا ئیجا وەڕاسی ئەو چەقوە لە پشتی درارن