دویای گردەوکردن زیاتر لە ١٣ مەلیۆن دۆلار.. بویچگترین دویەت ملیۆنێر واز لە کار تیەرێد
2023-07-26T11:12:34+00:00
شەفەق نیوز/ ئەو دویەت مناڵە، وەناو بیکسی کورتیس، لە تەمەن ١١ ساڵان، بڕیار وازهاوردن لەکار دا، ئەوەیش لە ١٢هەمین جەژن لەداڵگبونی، تا هویری بخەێدە بان خوەنەواری.
کورتیس، وەڕیەوبەر جیوەجیکار کۆمپانیای بازی Pixie’s Fidgets، پارچە ڤیدیۆیگ لەبان ئینیستاگرام بڵاو کرد، لەناوی دیاریەیل میوانەیل ئاهەنگ لەداڵگبوینی بڵاو کرد.
رۆکسی جاسینکۆ، داڵگ کریتس، پلان ئاهەنگ خانەنشینی خستە هویر دویەتەگەی، دویای ئەوە ک باس گرنگی هاوسەنگی ناوەین خوەنەواری و کاروبار ئەرای کرد.
کورتیس کۆمپانیای Pixie’s Fidgets لە ساڵ ٢٠٢١ وەگەرد داڵگی دامەزران و لە یەکەم ٤٨ ساعەت فرووشیا، و هیمان جەهان گرنگی وەپی دەێد.
بازی pop it، لە ناودیارترین بازیەیلە، و چماێ وەشیوەی گەورەیگ داگیر بازاڕەیل کەێد، وەگەرد بەرزەوبوین نرخەگەی، و رەنگەیل فرەیگ هاناوی، و جویر پفیلکە دیرێد، مناڵەگە کلگ نەێدە بانی، و وەسیلیکۆن دروس کریاگە.
کورتس کۆمپانیایگتر وەناو "بيكسيز بوز" دیرێد، ک ئەوەیش هەناێ خوەی فرە مناڵ بویە، داڵگی دروسی کردیە.
تا ئی ساڵە، ئەو دویەتە مانگانە زیاتر لە ١٣٣٠٠٠ دۆلار کەفێدە دەسی.
