دویای رەمەزان وەی چەن گامە وە شیوەی تەندروس گلەوبخوە ئەرا خواردن رووژانە
2023-04-19T12:10:41+00:00
شەفەق نیوز/ رەمەزان مانگیگە لەناوی سیستەم خوەراکی ئاڵشتبوود، وەی مدوویە لە دویای تەوابوین مانگەگە بایەت ژەمە خوەراکیەیل رێکبخریەد تا گیەی زەردنەرەسێد وەپی.
وەپای خەوەریگ ماڵپەڕ سکای نیوز، غینا سوندید پسپۆڕ خواردن ئاشکەرایکرد، لەدویای رەمەزان خاسترە وە ژەمە خواردنیگ هاوسەنگ دەس وەپی بکەێد، وەیجویرە:
ئەرا ئەوانەگ خوو وە خواردن نان پاشام گردنە بایەت دەسبکەنە سێ ژەمە سەرەکی رووژانەیان، وە مەرجیگ ناشتا لە ساعەت نۆ شەوەکی بوود، و خواردن نیمەڕوو ساعەت دوو نیمەڕوو بوود، ژەم ئیوارەیش ساعەت هەشت ئیوارە، با وە شیوەی مامناوەند بخوریەد تا هەس وە تیری نەکێ.
لەباوەت ئەو رووژگگرەیلە وە پاشام چاشیانە، بایەت تەنیا دوو ژەم سەرەکی بخوەن وە مەرجیگ ژەم یەکەم لە مابەین ساعەت ١١ ئەرا ١٢ نیمەڕوو بوود ژەم دویەمیش توەنریەد لە ساعەت پەنج ئیوارە بوود، لەهەمان وەخت بایەت ئی سیستهم خوەراکیە تا 10 رووژ وەردەوام بوود.
