دزی لە ماڵ بازیکەریگ ریاڵ مەدرید کریەێد

شەفەق نیوز/ فێدریکۆ ڤالڤێردی بازیکەر ریاڵ مەدرید مەوقەی وەسەربردن پشووی تاوسانە لە شار ئیبیزا لە ئسپانیا دزی لە ماڵەگەی کریا. 

وەگورەی راپۆرتەیل رادیۆی ئیسپانی "کۆبی"، نزیکەی 10 هەزار یۆرۆ لە بازیکەرە 23 ساڵانەگە دزیایە، هەنای خوەی و دووسەگەی ئەرا وەسەربردن وەختەیلیان گەشت کردن ئەرا دوورگەی ئیبیزا.  

مینا بۆنینۆ، برادەر ڤالڤێردی ک جویر رووژنامەنویس و پێشکەشکار کارکەێد، لە پەیج تایبەت خوەی لەبان ئینستاگرام هویردەکاریەیل رویداوەگە ئاشکەرا کردیە و راگەیانییە، گومان کریەێد دزەیلە هەمان ئەو باندە بوون ک دزی لە ماڵ رۆناڵدۆ نازاریۆ کردنە چوینکە وە دەرفەتیگ زانستنە مەوقەی ک ئەو بازیکەرە لە ماڵ خوەی نەویە.