دروسکردن ئامێر بویچگیگ وینەی ناو لەش گرێد

شەفەق نیوز/ تویژەرەیل توەنستنە ئامێریگ جویر چریش دروسبکەن ک توانای وینەگردن قوڵایی لەش و دەسنیشان چەن بیمارییگ دیرێد. 

تویژینەوەگە لە گۆڤار ئەمریکی Science بڵاوکریایە، ک ئاشکەرایکەێد، ، ئامێرەگە ناوی BAUSـە، ئەرا ماوەی 48 ساعات کارکەێد  وە وەردەوامی ڤیدیۆی ناو جەستە و گشت ئەندامەیل ناو جەستە توومارکەێد ک هەر یەک لە کوو ئەندامەیل دەمار و ماسیلچە و دڵ و کووئەندام هەرس و سویەگانیش گرێدەو.  

ئامێرەگە لەبان دوو خوەیبەخش تاقیکریاگە دەرچگە ڤیدیۆی ئەندامەیل لەشیان وە کوالێتی فرە بەرزیگ توومارکردیە، وەگورەی توێژینەوەگە ئەو ئامێرە توەنێد گشت ئاڵشتکاریەیل لەش لە ماوەی وینەگردن توومار بکەێد ک وەخت ریکردن و دانشتن و چگنە بان لەبان پاچینە یان هەر جویرە چالاکیگتر روی دەن.