درو یەک نیسان لەچە هاتیە؟
شەفەق نیوز/ ماڵپەڕ "CNN" بڕیگ راسی مێژوویی لەباوەت یەک نیسان ئاشکرا کردیە، یەک نیسان گشت ساڵیگ ناسریاگە وە رووژ (خەوەر نادروس)، لەی رووژە لە سەراسەر جەهان مەردم هەواڵ نادروس بڵاوکەن، تەنانەت کۆمپانیا و رووژنامە و گۆڤارەیلیش لە جەهان تەقەلا دەن هەواڵیگ بڵاوبکەن ک ڕاس نییە، لە رووژیگ دۊای ئەوە یا چەن ساعاتیگ دۊای ئەوە راسی هەواڵەگە بڵاوکەن.
هەرچەن مێژوو ئی رووژە وە تەواوی دیار نییە، باوجی وەگورەی بڕیگ نەریت ڕۆمانی و هیندییەیل ئاهەنگ سەرەتای نووبۊن ساڵ لەی رووژە سازدەن جۊر هاوسەنگییگ ئەرا وەهار. لە ساڵ ١٧٠٠ ئینگلیزەیل لەی رووژە یەکتری خەڵتاننە و هەمکی ئەڵاجەۊ وەگەرد یەکتر ئەکردن.
وەگورەی بڕیگ لێکۆڵینەوەی مێژوویی، گەمەکردن لەی رووژە مێژووەگەی چوودەو ئەرا ساڵ ١٥٨٢ لە فەڕەنسا ک ساڵنامە ئاڵشتبوود و بڕیگ مەردم دیر ئاگادار ئەو ئاڵشتکارییە بۊنە ک سەرەتای ساڵ ئاڵشتبۊیە ئەرا یەک کانوون دۊیەم و لە یەک نیسان جەژن کردنە، ئەو مەردمە کاغەزیگ کریا وە پشتیان لەلی ئەنۊسریا (ماسی مانگ نیسان) ک خەڵەتیانە و ئاگادار بارودۆخەگان نین.
لە سەرەتایەیل ساڵ ١٩٥٠ کەناڵ (بی بی سی) هەواڵیگ ناڕاس لەباوەت بەروبووم خستەرۊ، لە ساڵ ٢٠٠٨ ڤیدیۆیگ بڵاوکردن لەباوەت فڕین پەنگوین جۊر بابەتیگ سەرنجڕاکیش.
