درویژترین دویەت لە جەهان ئەرا یەکەمین جاری چوودە ناو فڕۆکە.. وینە
شەفەق نیوز/ درویژترین دویەت لە جەهان، توەنست ئەرا یەکەم جارە لە ژیانی بچوودە ناو فڕۆکە، دویای ئەوەگ کڕەێل ئاسمانی تورکیا شوینیگ ئەرای دروس کردن، تا بەش باڵای ٧ پایی بکەێد.
رومیسا گیلجی، ئمساڵ لەناو کتاو گینیس جویر درویژترین دویەت توومار کریا.
گیلجی کورسییگ جویلەکەر ئەرا هامشوو وەکار تیەرێد، و باڵا بەرزەگەی وە بیمارییگ دروس بویە ک وەپی ئویشن بیماری "ویڤەر".
ئەو دویەت ٢٤ ساڵانە، قەت وە فڕۆکە مزڵ نەکردیە، ک لە مناڵییش شوینی لەناو هویچ فڕۆکەیگ گەشتی نەویەسەو.
باوجی ئیسە توەنێد ئەرا دەوڵەتیگ بچوود، ئەوەیش هەنای کڕەیل ئاسمانی وڵاتەگە شەش کورسی لەناو فڕۆکەیگ لاورد، و شوینیگ تایبەت ئەرا گیلجی واز کرد.
لە پۆستیگ لەبان ئینیستاگرام، هەنای لە کالیفۆرنیا نیشتەو، وت: گەشت خوەشیگ بوی، یە یەکەمین گەشتیگ ئاسمانییە ئەرا من، وەلێ هەڵبەت نیەوودە دویاترینی، سوپاس ئەرا هەرکەسیگ بویە بەشیگ لەی کارە.
