درویژترین پیاو لە جەهان مینەی ژن کەێد

شەفەق نیوز/ سوڵتان کۆسین ئەو کەسە ک وە درویژترین پیاو لە جەهان ناسریاگە، لەدویای شکست هاوردن لە هاوسەرگیری یەکەمی  ئەرا خوازین ژن نوویگ گەشت ئەرا ئەمریکا کەێد.

سوڵتان کۆسین درویژترین پیاو لە جەهان وە  دەیلی میرەری بەریتانی راگەیان،" لە دویای شکست هاوردن هاوسەرگیری یەکەمم لە وڵاتەگەی خوەم ژن گونجیایگ دەسم نەکەفت تا ژن دەسم بکەفێد رویکردمەسە وڵاتەیل یەکگرتگ".

وتیش، لە ویلایەت فلۆریدا ڤیستواڵیگ تایبەت وە هاوسەر پەیاکردن کریەێد و منیش بەشدارم.

سوڵتان کۆسینی تەمەن 40 ساڵ، درویژی باڵای دوو مەتر و 51 سانتیمەترە، لە ماوەی گوزەشتە هاوسەرگیری وەگەرد دویەتیگ سوری کرد باوجی جیاوە بوین ماوەیگیشە مینەی ژن کەێد،  پارەکەیش ئەرا ئی باوەتە روی کردە وڵات رووسیا.