درویژترین کاروانەیل ئاسمانی لە جەهان
شەفەق نیوز/ مەردم لە کاروانە گەشتیەیل کەفنە وەر شەکەتی و بیزاری، ئەگەر کارەانەگە وەهەر شیوەیگ بویە، ولەیرا ماڵپەڕ ڤاینانس باز لیستیگ وە پەنج لە درویژترین کاروانەیل ئاسمانی لە جەهان بڵاو کردیە:
١/ نیۆیۆرک تا سەنگافوورە
دیارە یە سەختترین کاروانە لە جەهان، لە نیویۆرک تا سەنگافوورە، ک ئەرا ماوەی ١٨ ساعەت و ٤٥ خوەلەک وەپی چوود، وهەمیشە جی خەفتن لەناو ئەو فڕۆکەیلە هەس.
٢/ ئۆکلاند تا دۆحە
کڕ راستەخۆێ قەتەر لە نیوزلەندا تا دۆحەی قەتەر نزیکەی ١٨ ساعەت و پەنج خوەلەک وەپی چوود، ک زیاتر لە ١٤ هەزار کیلومەتر بڕێد.
٣/ ئۆکلاند تا نیویۆرک
کاروانەیل لە دەوڵەتەیل ئۆقیانووسی وەرەو شارەیل سەرەکی جەهان، هەمیشە کاروان مەینەتییگە ئەرا گەشتیارەیل.
ئی کاروانە لە ئۆکلاند نیوزلەندا تا نیویۆرک ئەمریکا ک وەبان زەریای ئارام رەد بوود، ١٧ ساعەت و٣٥ خولەک وەپی چوود.
٤/ سان فرانسيسكو تا بانگور
ئی کارەانە لە سان فرانسيسكو لەبان کناراو خوەرئاوای ئەمریکا تا شار بانغلور لەباشوور هندستان رەسێد.
ئی ریە ماوەی ١٧ ساعەت و ٤٥ خولەک کەفێدە ناوبەین گرنگترین دوو ناوەند تەکنەلۆژیا لە جەهان.
٥/ هیوستن تا سیدنی
وەلایەت تەکساس ئەمریکا فرە گەورەس، ئەراوە کاروانەگە هەرلە فڕۆکەخانەی ناودەوڵەتی جۆرج بۆش لە هيوستن تا سیدنی ئوسترالیا نزیکەێ ١٧ ساعەت و ٤٥ خولەک وەپی چوود.
