درۆنیگ پێشبڕکێ وەگەرد خێراترین ماشین فۆرمۆلا کەێد
2024-03-03T13:39:06+00:00
شەفەق نیوز/ تیمیگ داهێنەر هۆڵەندی لە "Dutch Drone Gods" درۆنیگ خێرا دروسکردنە کە توانای پێشبڕکێ کردن دیرێد وەگەرد خێراترین ماشین فۆرمۆلا وەن.
وەپای خەوەریگ لە ماڵپەڕ "Autoweek" ساڵیگ وەپی چگە ئەرا ئەوزەڵداین وە درۆنەگە کە خێرایی باوەڕ وەپی نەکریایگ دیرێد، توەنێد لە ماوەی چوار چرکە 186 میل لە ساعەتیگ بوڕێد، خێرایەگەی 217 میلە لە ساعەتیگ (350 کیلۆمەتر لە ساعەتیگ).
ئەرا نیشانداین خێرایی درۆنەگە بڕیارە پێشبڕیگ تایوەت ئەنجام بدرێد وەگەرد ماکس ڤێرستاپن ئاسارەی فۆرمۆلا وەن، کە لە ماوەی سێ ساڵ وەرین پاڵەوان جەهان بویە، ماشینەگەی Red Bull وە یەکیگ لە خێراترین ماشینەیل ناسریاگە، ئەنجام پێشبڕێگە پشت راسی کردیە درۆنەگە خێرایەگەی زیاترە و توەنستیە لە پێشبڕکێگە بوەدەو.
