دار (دوو براگە) لە یەمەن هەنای زەخمدار بوود خوینی رشێد
شەفەق نیوز/ دار "خوین دوو براگە" لە دەگمەنترین دارەیل جەهانە، ک تەنیا لە دوورگەی سەقرتا لە وڵات یەمەن پەیا بوود.
پسپۆڕەیلیگ یەمەنی باس ئەوە کەن ک ئی دارە سوودەیلیگ پزشکی دیرێد، و ناوەگەی وەگورەی ئەو خوینە وەرگردیە ک هەنای کەمیگ لە تووکڵەگەی زەخم بوود چشتیگ وەڕەنگ خوین لەلی دەرچوود، ک وەپی ئویشن "راتینگ کنریتید زیبەق" و بەشیگیش وەپی ئویشن "خوین تنین".
وەگورەی سەرچەوەیل یۆنانی ورۆمانی کۆن، شازادەیل عەرەو وئیمبراتۆرەیل چین دڵنگەیل خوەیان وەپی ڕەنگ کردیان.
هەرلیوا، دانشتگەیل ئەو ناوچە ئی خوین دارە ئەرا تیمارکردن زەخمەیل و ئەرا زگچین و بێماری دوزنتاریا و ئەرا داوەزانن تەو و چەرمگکردن دگان وەکار تیەرن،
بڕیگ ئەفسانە لەباوەت ئی دار خوینالیە باس کریەن، ک بەشیگ باس ئەو ئەفسانە کەن ک لە سێ ئاین ئاسمانی هاتگە، هەنای قابیل وهابیل هەردوگ کوڕ ئادەم بویە جەنگیان، ک خوین هابیل لەبان زەوی رشیا و ئی دارە لەلی دەرچگ.
