دادگایگ سیستەم ئۆتۆپایلۆتی تێسلا لە کوشتن بيتاوان كەێد
ئی بڕیارە دویەم سەرکەفتن گەورەس ئەرا تێسلا لەی ساڵە، دویای ئەوەگ دەسەی قەسەمخواردن دویەم رازی نەوی ئی سیستەمە وە تاوانبار بزانێد.
تێسلا پیشکەفتگترین سیستەم ئۆتۆپایڵۆت و تەواو خوەیڕانین تاقی کەێدەو، کە وەڕێوەبەر جیوەجیکار کۆمپانیاگە، ئیلۆن ماسک، وە گرنگ باسی کردیە ئەرا بانان کۆمپانیایل، بەڵام کەفتە ژیر لێکۆڵینەوەی یاسایی.
بڕیارەگەی دادگای شارستانی نشان دەێد کە قسەیل تێسلا خەریکە زبری زیاتر وەرگرن چوینکە ئویشێد هەناێ چشتیگ لەبان ریەگە وە هەڵە بچوود، وەرپرسیاریەتی کۆتایی کەفێدە مل رانندە.
ئەو داواکاری مەدەنییە کە لە دادگای باڵای ڕیڤەرساید کاونتی توومار کریایە، دەسنشان ئەوە کرد کە سیستەم ئۆتۆپایڵۆت بویەیە مدوو ئەوە کە ماشین تێسلا مۆدێل ٣ی خاوەنەگەی مایکا لی لەناکاوەو لە رییگ ئازاد لە خوەرهەڵات لۆس ئەنجلۆسەو وە تونی ١٠٥ کیلۆمەتر لە ساعەتیگ بچوود، و لە دارخورمایگ داگە، و لە ماوەی چەن پرکەیگ بتەقێدەو.
بەڵگەنامەیل دادگا دەرخەن کە رویداوەگەی ساڵ ٢٠١٩ (لی) گیانی لەدەسداگە و سەرنشینەیل ناو ماشینەگەی وە سەختی زەخمدار بوینە، کە مناڵیگ تەمەن هەشت ساڵان لەناویان بویە.
دادگاییکردنەگە ئیفادەی دڵتەزن لەباوەت زەخمەیل کەسەیل ناو ماشینەگە لەناوی بویە و داواکاری گشتی داوای قەرەبوو زیانەیل لە دەسەی قەسەمخواردن کرد کە زیاتر لە ٤٠٠ ملیۆن دۆلار بوی.
تێسلا وەرپرسیاریەتی خوڵی رەتکرد و وت: (لی) وەرجە ئەوەگ بچوودە پشت سوکانەگە، مەی نووشیە، و ئاشکرا نییە کە ئایا سیستەم ئۆتۆپایڵۆت لە مەوقەی رویداوەگە خریاسە کار یا نە.
