داپیرەی پاڵەوانیگ شکست وە پەلامار تمساحیگ تیارێد
2021-09-26T08:41:43+00:00
شەفەق نیوز/ داپیرەیگ لە ویلایەت کوینزلەند ئوسترالیا، خوەی وەشانە بأن ئەو تیمساح گەپە ک پەلامار برادەر کوڕوگەی دا.
لە نزیک شۊن راوکردن لە خەلیج باسۆرست، هەنای تیمساح رخبەریگ کیشی لە ٣٠٠ کیلوگرام سەنگین ترە، و دریژیی رەسێدە ٤،٢ مەتر، پەلامار ئەندڕۆ کید، و بەشیگ لەو چادرە دا ک لە کوکتاون هەڵی دریاگە.
داپیرە ئەلیسا سوروهان لە تەمەن ٦١ ساڵان، دەنگ قیژەی ئەندڕۆ ژنەفت، و رەسیە دادی، و خوەی خستە بان تیمساحەگە، ک خوازێد داپیرەیش وەرەو ناو ئاوەگە بکڕنێد.
وەگورەی رووژنامەی (زا سیندی مۆڕنینگ هیراڵد)؛ ئەلیسیا کەفتە وەر زەخمەیلیگ، وەرجەیە جیسون کوڕی تەقە لە تیمساحەگە بکەێد.
