ڤیدیۆی گورانیچڕین مناڵیگ ئۆکرانی لە ناو پەناگەیگ لە ژیر زەۊ ملیۆنەها دۊنەر پەیاکرد

شەفەق نیوز/ پارچە ڤیدیۆ کاریگەر توومارکریای مناڵیگ ئۆکرانی ک گورانیچڕێد لە یەکیگ لە پەناگەیل پاێتەخت، کیێڤ، ملیۆنەها دۊنەر پەیاکرد لەبان تووڕەیل کۆمەڵایەتی،وەگورەی رووژنامەی " ئێندبندنێت" بەریتانی. 

مناڵیگ ئۆکرانی، ئیملیا، ملیۆنەها چەودێرکەر لەبان ئنتەرنێت وەدەسهاورد لە دۊای بڵاوبۊن پارچە ڤیدیۆی گورانی "بیلا بچیمن" Let it Go، چڕین هن فلیم ناودیار "فریزۆن" Frozen، لە مەوقەی گیرخواردنی لەناو پەناگەیگ لە ژیر زەۊ لە کیێڤ.  

ژنیگ لە هەفتەی گوزەشتە سەردان پەناگەگە کردیە ئەرا رازانەوەی ئەو پارچە ڤیدیۆیە لەبان فەێسبوک بڵاوکردیە، دۊای ئەوە زانێد ئیمیلیا خوازێد گورانی بچرێد لەبان شانۆی گەورە لەوەردەم مەردم.