١٠ دەوڵەمەنترین ژن لە جەهان

شەفەق نیوز/ ئەو ژنەیلە لە جەهان هانە ریزبەنی ملیاردێرەیل شمارەیان فرەس، باوجی وەپای گۆڤار "فۆربس" 10 ژن لە هەرە دەوڵەمەنترینەیل ژنەیل جەهانن ک دەوڵەمەنترینیان خاوەن  74.3 ملیار دۆلارە.

خاوەن براندی لۆریاڵ، فرانسواز پیتنکۆر مایەرز لە پلە یەکەم دەوڵەمەندترین ژنەیل جەهانە وە 74.3 ملیار دۆلار، دویای ئەو ئەلیس واڵتۆن تێد دویەت دامەزرێنەر وۆڵ مارتە ک خاوەن 57.8 ملیار دۆلارە.

جولیا کوخ لە پلەی سێیەم تێد و خاوەن 56.8 ملیار دۆلارە و سامانەگەی لە ساڵ 2019 لە دەیڤد کوخ شوی ئەرای وەجی مەنیە، و هاوسەری وەرین جێف بیزۆس دامەزرێنەر ئەمازۆن، ک  ئیرنگە لەلی جیایەوبویە  لە پلەی چوارەمە و خاوەن 42.7 ملیار دۆلارە.

دوێتەگەی فۆرست مارس و نەوەی فرانکلین مارس، ک  خاوەن کۆمپانیای مارس خوەراکیە لە پلەی پەنجمە وە 33.8 ملیار دۆلار، جینا ڕینهارت ک ژن ئیسپانییەگە و فرەیگ لە سامانەگەی لە باوگییەوە ئەرای وەجیمەنیە خاوەن کۆمپانیای هانکۆگە لە پلەی شەشەمە و سامانەگەی 29.1 ملیار دۆلارە.

میریام ئەدیلسۆن هەفتەم دەوڵەمەندترین ژنە لە جەهان و خاوەن 28.3 ملیار دۆلارە، سۆزان کلاتن ک ژنیگ ئەڵمانییە لە پلەی هەشتەمە سامانەگەی 23.6 ملیار دۆلارە، ئەبیگێڵ جۆنسن خاوەن کۆمپانیای ڤیدیلیتی ئەرا  بەرهەمهاوردن لە پلەی نۆهەمە خاوەن 21.6 ملیار دۆلارە، ئیریس فۆنتۆبۆنا پلەی دەیەم دەوڵەمەندترین ژنە لە جەهان وەرگردیە و سامانەگەی 17.9 ملیار دۆلارە.