ڤیدیۆ...ژنیگ نزیکەی 98 هەزار دۆلار لە نەشتەرگەری جوانکاری خەرج کەێد
2022-12-30T14:06:42+00:00
شەفەق نیوز/ خانمیگ ژاپۆنی لە گوزەشته بویەسە جی سەرنج میدیاگان وە ئەوە ک لەماوەی 10 ساڵ نزیکەی 98 هەزار دۆلار لە نەشتەرگەری جوانکاری خەرجکردیە.
وەپای هەواڵیگ له ماڵپەڕ"ئۆدیتی سێنتراڵ"، تۆدۆرۆک تەمەن 30 ساڵ، یەکیگە لەو یوتوبەرەیلە وە ئەوە ناسریاگە تەنیا هویری ها لای جوانکاری و نەشتەرگەری و لە تەمەن 18 ساڵی دەسوەپی کردیە و هویچ لە کارەگەی پەشیمان نییە.
وەپای زانیاریەیل ئی خانمه سەرەتا لە قۆناغ دویاناوەندی بویە نەشتەرگەری جوانکاری ئەنجامدایە هوکارەگەیش ئەوە بویە هاوڕێەیلی هەنەکی وە روخساری کردنە.
ئو ژنە ئەوەیش خستیەسە روی، فرەکەس نەشتەرگەری جونکاری ئەنجامدەن تا سەرنج مەردم وەرەو لای خوەیان بکیشن باوجی ئەو لەوەر ئەوە ئەنجامیدەێد تا ئاسایی دەربکەفێد.
وتیە شمارەیگ فرە نەشتەرگەری ئەنجامدایە ک نزیکەی 98 هەزار دۆلار لە نەشتەرگەری جوانکاری خەرجکردیە.
