دینە جیاوەبوین خوەی لە هاوسەرەگەی راگەیان
شەفەق نیوز/ خانمە هونەرمەن دینە راگەیان وەگەرد بەهرام بڕیار جیاوە بویە، و داوا لە هەوادارەیلی کرد وەرێزەو ئەی بڕیارەیانە قەبوڵ بکەن.
دینە لە ستۆری لاپەڕەی تایبەت خوەی لە ئینستاگرام نویسایە، "دویای گفتوگۆ ئارامیگ و پێگەیشتوانە، من و بەهرام بڕیارە سەختەگەی جیابوینمان دایمن".
دیاریکرد ، "ئەو بڕیارە لەبان بنەمای رێزگرتن لە گوزەشتە و ئایندە یەکتر دایمنە، وە گرنگ زانیمن ئەرادان ئاشکرا بکەیمن، و چەوەری کەێمن لە گشت لایگ وە هەمان شیوە لەبان بنەمای رێز لەلیمان قەبوڵ بفەرموون".
دینە، لە شار ڕانیە لە داڵگبویە و لە شار هەولێر دانشتگە، لە مانگ تەمووزی ٢٠١٧ دەس وە کار هونەری کردیە و یەکیگە لەو خانمە گوورانیچرەیلە ک هونەرمەن و ئاوازدانەر کوردستان ھەڵکەوت زاھیر، کار ھونەری ئەرای کەێد، خاوەن ئەلبوومیگ و چەن ڤیدیۆ کلیپیگە، زیاتر لە ساڵیگە ئەو هونەرمەنە چیە ژیان هاوسەری و هاوسەرەگەی خەڵک خوەرئەڵات کوردستانە و کار فۆتۆگرافی کەێد.
