دەمامەک میوزیک دژوە کۆڕۆنا ئەرا ئاهەنگەگان
شەفەق نیوز/ دەمامەک، بویە چشتیگ سەرەکی، ک ناچار وەکارهاوردنی هاتیمنە، ئەرا مقەیەتی لە ڤایڕۆس کۆرۆنا، ک هیمان گیانەیل لە جهان دەرەو کەێد.
ئیڤان فیشەر، سەرپەرستیار ئۆکستڕای مەجەر لە بودابەست، بڕیاردا دەمامەک بکەێدە شیوەی نوویگ، ئەرا دووسەیل ئاهەنگە مۆسیقایەگان، وەگورەی سکای نیوز.
دەمامەکە مۆسیقیایەگە، دوو گووش لە پلاستیک دیرێد، وەشیوەی قەپاڵ ناودەس، وە بەنەیل دەمامەکەگە خریەێدە پشت گووش، ک هیلێد ئامادەبویەیل ئاهەنگە مۆسیقایەگان خاستر دڵخوەشبوون وە دەنگ مۆسیقا.
فیشەر لە مەوقەی راهینانەگان لەبان ئاوازەیل بیتهۆڤن و یۆهان شتڕاوس وت: هویرەو کردم ک بوودە شیوەی دەس، چوونکە ئیمە وەختا دەسەیلمان خەیمنە پشت گووش، خاستر ژنەفیمن و ئاسانتر رەسینمەو، و هەمیش خاستر گووش گریمنە مۆسیقا.
دەماماکەگەی فیشەر لەناونی ئامادەبویەیل ئاهەنگە مۆسیقایەگان وەناوبانگەو بوی، ک دەیان کەس لە ئاهەنگیگ وەکاری هاوردن، ونرخەگەی رەسیە دەور ٢٧ دۆلار.
دەمامەکە مۆسیقایەگە جوور یەکیگ لە ئەڵاجەویترین دەمامەک درەکەفت، وهەمیش دەمامەکەیلیگ تر وەشیوەیلیگ جیواز لەی ماوەیلە دەرکەفتن، جوور ئەو دەمامەکە ک وەتڵا دروس کریاگە، لالایەن بازرگانکار هیندییگ وە تڵا دروسی کرد، ونرخەگەی رەسیە دەور ٤ هەزار دۆلار.
