دەسمیەت مەردم وە هاجی لەقلەق.. ڤیدیۆ
2022-05-06T08:12:30+00:00
شەفەق نیوز/ ئاواییگ کانی رەش بووکان، لە کوردستان ئیران، دەسمیەتی هاجی لەقلەقەکان دەن ک لە کووچ هاتنەسەو.
لە پارچە ڤیدیۆییگ، نشان ئەو دەسمیەتیە دەێد ک ئەرا یەگ هاجی لەقلەق لە نوو لانەگەی بسازێد، مەردم چکووڵ ئەرایان خەنە بان.
پیاویگ وە تاب و رەسم شاگرد بەنایی ئەوسا، ئەرا هەر چکووڵێگ ک خەێدەو بان ئۊشێد: یا ئەڵا وەستا.
دیارە ک پەیوەندی کۆنەیگ ناوبەین مەردم کورد وەگەرد هاجی لەقلەق بۊە، ک ئی بەیتەیلە لە فولکولور هەس:
هاجی لەقلەق مار هات
مار گوڵەنگ دار هات
کاکەم وە سوار هات
شتر وە سەروار هات
گەنم وە خەروار هات
جۊە وە مسقاڵ هات
هاجی لەقلەق ...
هاجی لەقلەق ...
جامەکێگ دەمە پید
بوەرەم وە موولەق.
