دەسگیرکردن راویژکار ئۆباما دویای ئەوەگ لە نیویۆرک سووکایەتی وە فرووشیاریگ میسری کردیە
وەگورەی خەوەررووژنامەی نیویۆرک پۆست، ئەو گەنج میسرییە کە لەبان عەرەوانەیگ چشت فرووشێد، ناوی محمد حسێن (24 ساڵ) وتیە: تا ئیسە تویش سەرسامی بویە وەو کارە کە رویدایە، وتیش: داوای یاسایی لەبان سێلدۆڤیتز توومار کەێد.
خاوەن عەرەوانەگە، ئیسلام مستەفا، ئویشێد: خوازیمن سکاڵا لەبانی توومار بکەیمن لەبان ناونەسەق و قسەی تونەڕەوی.
وتیش: "چوین وەرپرسیگ وەرین حکومەت وەو خوسە و کینەیەو باس ئایین بکەێد؟ کەسیگ ئاسایی ئەوە نیەکەێد".
خاوەن عەرەوانەگە وتیش؛ سێلدۆڤیتز نزیکەی دوو هەفتە وەرجەیە دەسکردیە وە هەراسانکردن حسێن و وتیش: "سەرەتا لەلای خوەیەو کەسیگ لاتە و کەفتیەسە وەخت سەختیگ".
دامەزراوەی گۆتام ئەرا پەیوەندییەیل حکومەت لە ئەمریکا کە سێلدۆڤیتز جویر راویژکاریگ لەناوی بویە، وتیە؛ دوایی رویداوەگە گشت پەیوەندییەیلی وەگەردی بڕیە.
کۆمپانیاگە لە بەیاننامەیەگ راگەیان: "ڤیدیۆگە ئەو ستانداردانە داوەزنێد کە ئیمە لە کۆمپانیاگەمان پراکتیزەیان کەیمن."
سێلدۆڤیتز، کارمەن وەرین وەزارەت دەرەوە و وەرپرس ئاسایش نیشتمانی، لە زنجیرەیگ ڤیدیۆ دەرکەڤت کە ئەو خواردنفروزشە هەراسان کەێد و وە قسەیل دژوە ئیسلام و دژە پێغەمبەر محمد قسەی ناشرین کەێد.
سێلدۆڤیتز لە ماوەی چەن رووژیگ ئەرا خود بۆ بفرووشەگە گلەو خوارد، جاریگ لە شەو و دووجار لە رووژ، هەر جاریگ هەر لەبان سەر ئەو کابرا وسیەێد.
لە یەکیگ لە پارچە ڤیدیۆیل، سێلدۆڤیتز ئویشێد: ٤ هەزار مناڵ کوشتیمن و ئەوەیش بەس نییە، کە دیارە نشانەس ئەرا شمارەی ئەو مناڵەیلە کە لە پەلامار ئیسرائیل لەبان کەرت غەززە کوشیانە.
لەپارچەیگ ترەک هەڕەشە لە فرووشیارەگە کەێد کە شیوەزاری میسرییە کە خوازید ڕاپۆرتیگ لەبانی بەێدە هەواڵگری میسری.
لە ڤیدیۆیل فرووشیارەگە ئویشێدە سێلدۆڤیتز بچووە رێدەو وەنە پەیوەندی وە پولیس کەم.
