دەرکەفتن دویکەڵ خڕ لە ئاسمان ئیتالیا
2024-04-08T06:25:51+00:00
شەفەق نیوز/ لە سیمای ئەڵاجەوییگ، گڕکان (ئیتنا) لە ئیتالیا دویکەڵ وەشیوەیگ ئەڵقەی خڕ وەرەو ئاسمان وەشان.
زانایل ئویشن؛ کوێەی ئیتنا ئی سیمای تاوان لە ئەنجام تەکان وەردەوام هەڵم و گاز زیاتر لە گشت گڕکانیک لەبان وەخوەی دوینێد.
ئی ئەڵقەیل دویکەڵە لە چاڵ نوویگ دەرچگە کە لە لویتکەی کوێەی ئیتنا وازەو بویە.
کوێەی ئیتنا گڕکان گورجیگە کەفێدە کەناراو خوەرهەڵات لە سەقڵیە نزیک میسینا و کەتانیا و ئیرنگە لە گەورەترین گرکانە گورجەیلە لە ئەورووپا.
کوێەی ئیتنا هەڵپوقیان وەردەوام دیرێد، و جاروبار فرە ویرانکەرە، وەلێ وە فرە رخبەر نیەریەێدە قەڵەم، و هەزاران لە مەردم لە کەنارەیل و دەورگردی داکاسیانە.
