ڤیدیۆ.. رۆبۆڕتەیلیگ ئەرا سەر ساڵ نوو سەمای رەنگینیگ کەن

شەفەق نیوز/ رۆبۆڕتەیلیگ لە بۆستن دینامیکس، وەبۆنی سەر ساڵ نوو یەکەم سەمایان پێشکەش کردن، و بڕەگە دوو چین لە رۆبۆڕتەگان وەشیوەی ئایەم « ئەتڵەس» لەناویان بوی، و رۆبۆڕتیگ سەگ «سبۆت» و نموونەیگ تر لەبان تایەر.

وەڕاسیەو رۆبۆڕتەگان چەن کاریگ وە توکمەیی ئەنجام دان، جوور دەوکردن و دەر وازکردن و قاو شووردن، و ئمڕوو توانایل خوەیان لە سەماکردن نشان دان.

گورانی «ئایا دووسم دیری» جوور موسیقایگ ئەرا سەماگە پەسەن کریا، و نۆێنەرەیل کۆمپانیاگە ئاماژە کردن ک ئەرا ئاهەنگ سەر ساڵ نوو گردەو بوینە، و باس لە ئومید خوەیان کردن ک ئی ساڵ ئایندە لەی ساڵ ئیسە خوەشتر بوود.