دیاردەیگ لەبان زەوی روی دەێد کە کاریگەری لەبان تەندروسی دروس کەێد

زانایەیل هووشداری دەن لە شەپوولیگ تەواو کاریگەر موگناتیسیەیلە لە مانگ تشرین یەکەم ئەمساڵ، وە تایوەت لە ٢٥ تا ٢٧ی ئی مانگە هیز زریان موگناتیسی رەسێدە ٥ پلە، لە ٢٩ تا ٣٠ یش هێزەگەی رەسێدە ٦ پلە، جی باسە شارەزایەیل  زریانەیل موگناتیسیی لە ری گورجیەیل خوەردەسنیشان کەن.

وەپای ئەوەگ میدیایەیل رووسیا بڵاویکردنە، ١٨ تەشرین یەکەم ئمساڵ کە هەنای زریانیگ موگناتیسی زەوی گردەو، دوارە وەی نزیکەیلە زریانیگتر رویدەێد، وەی مدووە بایەت گرنگی وە تەندروسی خوەمان بیەیمن.

پسپۆریگ رووسی راگەیاندیە ئایەمیلە کاریگەری جیاواز دیرن لە کاردانەوە وەرانوەر وە دیاردەگە، مەوقەی سەرهەڵدان دیاردەگە هاتێ نیشانەیلیگ جویر کەمخەوی، سەرژان، وڕبوین، ناڕێکی کوتان دڵ، ژان جومگەیل، خەواڵوویی و تێکچگن دەروینی دەربکەفێد، مەوقەی دەرکەفتن ئی نیشانەیلە پێویستە زیاتر ئاو بنوشرێد و گرنگی وە خەفتن و وچان بدرێد.